Aventureiras

Citius, altius, fortius (máis rápido, máis alto, máis forte) é o lema dos Xogos Olímpicos. Tamén nosoutras as mulleres sempre quixemos aspirar ao máximo, chegar a onde ninguén chegara, coñecer o descoñecido, revelar o que estaba velado. A historia está escrita polos homes, e con todo, a pesar dos impedimentos, das dificultades e da reclusión forzosa, houbo mulleres intrépidas, valentes e arriscadas que romperon todos os clichés.